Melbourne

Takk fyrir hamingju óskirnar.. ég hafði það svo sannarlega gott þennana sögufræga dag.. Naut útsýnisins í óbyggðum Tasmaníu í góðum félagsskap. þrátt fyrir að eingin veisla hafi verið haldin, einginn bjór drukkinn, eingin kaka étin eða nein veislumáltíð að þá var þetta sennilega einn af betri afmælisdögum sem ég hef haft.. eingin að trufla mann með símtölum og skyldu "til hamingju óskum".. bara ró og næði.. nóg um það..
Nett afmæliskveðja fer hérna út til systur minnar.. Til hamingju með daginn!!.. í gær..

Tasmania var frábær!! Eins og þið vitið að þá fór ég í nokkrar göngur á eyjunni og hefur það einhvernvegin endurnært mig. Það sem ég meina er að stundum þarf maður bara að kúpla sig útúr öllu og frá öllum og hreinsa hugann of öllu og öllum.. you know what I mean.. Á Maria island sem er lítil eyja af austurströnd Tasmaniu eyddi ég 4 dögum í æðislega fallegri náttúru og frábæru veðri og fyrstu 2 dagana sá ég ekki aðra lifandi (né dauða) manneskju. Ég var einn í paradís að rölta um fjöll og fyrnindi og það var æðislegt á meðan það varði.. en það var svosem frábært að komast aftur í siðmenninguna eftir þennan tíma.

Eins og titillinn kanski gefur upp að þá er ég annars kominn til Melbourne. Einn af þeim sem voru með mér í rafting ferðinni í Cairns á North johnstone ánni, sagði mér að láta sig vita þegar ég kæmi til Melbourne og ég gæti fengið gistingu hjá honum. Eftir að hafa ritað til hans, sagði hann mig velkominn til að gista hjá honum og fjölskyldu eins lengi og ég vildi... Hafa þau planlagt stífa dagskrá fyrir mig hérna í borginni, kynna mig fyrir öllum vinum og vilja allt fyrir mig gera og eru í alla staði frábær. Manni líður eins og kóngi og hefur hálfpartinn samviskubit yfir allri fyrirhöfninni.. Hefur einnig verið nefnt að ef ég seinka fluginu mínu til New Zealand (30sept) um nokkrar vikur, að þá vill hann fá mig í vinnu í nokkra daga í fyrirtækinu sínu... hef ekki enþá ákveðið hvað ég geri, en þetta er virkilega freistandi.
Annars er ég nú bara að eyða tímanum í að rölta um Melb. og skoða götur, söfn, byggingar, tónlist, bari og almenna menningu í borginni og verð ég að segja að so far líst mér vel á staðinn..